Şêniyên Hesekê piştgirî da berxwedana gerîla

Bi sedan welatiyên Hesekê bi şahiyekê berxwedana gerîla  ya li dijî êrişên dagirkirinê yên dewleta Tirk a dagirker ên bi beşdarbûna PDK'ê yên li ser Herêmên Parastinê yên Meydayê, silav kirin.

Şahî bi diruşma "Bi vîna gelan û gerîla em ê dagirkerî û îxanetê têk bibin" li qada Suryan a li taxa Nasîre ya bajar hate lidarxistin.

Beşdaran wêneyên rêber Ocalan, alên YPJ, YPG û Kongra Star hildan.

Piştî deqeyeke rêzgirtinê, sînevîzyonek li ser berxwedana gerîla, îsrar, têkoşîn û vîna wan a xurt hate pêşandan.

Li aliyekî din jî endamê Meclisa Rûspiyan a Hesekê Ekrem Mehşûş wiha got: "Em berxwedana gerîla ya lehengane li çiyayan silav dike, bi dil û can bi hemû hêzên xwe yên leşkerî re ne ku şerê dijmin dikin. Bi êrişên ku dewleta Tirk a dagirker bi hevkariya PDK’ê li dijî hêzên me dimeşînin de rûbirûyî şerekî rasteqîn in."

El-Mehşûş hewldanên dewleta Tirk a dagirker ên guhartina demografiya herêmê bi rêya bicihkirina penaberên ji parêzgehên din û koçberkirina şêniyên wê, şermezar kirin.

El-Mehşûş destnîşan kir ku di navbera hikumeta Iraqê û dewleta Tirk a dagirker de lihevkirineke heye.

El-Mehşûş da zanîn ku ew û hêzên wan ên leşkerî dê bi yekî li hember êrişên dijmin bisekinin heta wê têk dibin û serkeftinê qezenc dikin.

Şêwirmenda rêveber a Bakur û Rojhilatê Sûriyê Zeyneb Şîtka jî wiha got: "Armanca dewleta Tirk a dagirker ji bicihkirina penaberan îmhakirina hebûna kurdan û vegerandina sînaryoya Osmanî ye. Malbata Barzanî jî piştgirê dide Erdogan ku dijminê kurdan e."

Zeyneb Şîtka eşkere kir ku ew ê heta rizgarkirina hemû xakên dagirkirî û vegerandina li wan, li ber xwe bidin.

Şahî bi diruşmên silavkirina berxwedana gerîla bi dawî bû.

ANHA