Jinên Ciwan ên Minbicê piştgirî da berxwedana gerîla

Yekitiya Jinên Ciwan a bajarê Minbicê bi daxuyaniyekê piştgirî da berxwedana gerîla ya li dijî êrişên dewleta Tirk li ser Herêmên Parastinê yên Medyayê.

18 gulan, 2022 14:39

MINBIC

Yekitiya Jinên Ciwan a bajarê Minbicê bi armanca piştevaniya berxwedana gerîlayan a li hemberî êrişên qirkirinê yên dewleta Tirk û PDK'ê yên li ser Herêmên Parastinê yên Medyayê daxuyanî da.

Daxuyanî ji aliyê yek ji rêveberên Yekitiya Jinên Ciwan Şêrîn Mihemed El-Ehmed ve li pêşiya navenda yekitiyê hate xwendin. Di daxuyaniyê de piştgiriya bi gerîlayên li Zap û Metîna hate dayîn û hate gotin bi vê seferberiyê dê dewleta Tirk têk bibin.

Her wiha hate destnîşankirin ku Yekitiya Jinên Ciwan qebûl nake ku dewleta Tirk a dagirker bi hustekê ji xaka wan dagir bike û dê armancên xwe pêk neyne.

Yekitiya Jinên Ciwan di daxuyaniya xwe de soza da ku dê bi îsrar bi gerîla li çiyayên Kurdistanê bisekinin, dê li gorî rêgezên parastina cewerî û fikirên rêber Ocalan û şerê dijmin tev bigerin da ku ewlehî û aramiyê li tevahî herêman pêk bînin.

Daxuyanî bi dirûşmeyên silavkirina berxwedana gerîla û şehîd namirin bi dawî bû.

(bx)

ANHA