Fîlmê Rûpela Sor li Qamişlo hat pêşandan

Beriya fîlm were pêşandan, li ser navê Tevgera Hîlala Zêrîn Rûken Mihemed bixêrhatina mêvanan kir û got: “Destpêkê di şexsê şehîd Nûjiyan Erhan de em hemû şehîdên tevgera azadiyê bi bîr tînin û bejna xwe li hember wan ditewînin. Axaftina Rêber APO heye dibêje: ‘Hunermendê gel şervanê gel, şervanê gel hunermendê gel e.’ Di kesayeta şehîd Nûjiyan de em dikarin vê peyvê bînin li ser ziman. Li hember dagirkeriyê bi çeka xwe şer kir û li hember şerê spî bi hunera xwe tekoşîn kir. Em li hember tevahî şehîdan soza xwe carek din nû dikin û em dibêjin şehîd namir.”

Derhênera flîmê Rûpela Sor Dêrsim Zêrevan jî got: “Kesayetên ku di flîm de rol lêyistine û di şoreşa gelan de gihîştine şehadetê wiha parve dike û wiha got: “ Em bi fîlma ku bi navê Rûpela Sor nîşad bidin cardin Şehîd  Nûjiyan Erhan, Basil, Arîn, Hebûn Ereb, Şervan, Karker û hemû şehîdên şoreşê bi bîr tînin û bejna xwe li hember kesayeta wan ditewînin.  Rojnamevana vî gelî, weke şervan û şoreşgera vî gelê bû xwedî kedek mezin me bi nirx şehîd Nûjiyan Erhan.”

Dêrsim Zêrevan bal kişand li ser wate û girîngiya şoreşa Rojava û wisa pêde çû: “ Li ser van axan êşên gelek mezin hatin kişandin, şerên giran hatin meşandin, xwîn, xwêhdan û hesrên dayikan hatin rijandin. Ji bo wê em dibêjin jiyana vî gelî û tekoşîna vî gelî layîqî xebatên hûnerîne ku bi stranan, destanan û fîlman xemilandin û pêşkêş kirin. Ji ber ku berxwedaneke bê hempa hatiye meşandin û tim berxwedaniyek pîroz hatiye meşandin li ser van axan ji bo wê jî em dibêjin hêvîdar in ev fîlm me layîqî keda gelê me be, şervanên gelê me be û keda şehîdên azadiyê be.”

Dêrsim Zêrevan bi van gotinan dawî li axaftina xwe anî: “ Ev fîlm bi kedek pir bi nirx û buha çêbû. Em spasiya xwe ji bo tevahî gelê me, şervanên YPJ û YPG, Asayîş, Hîlala Zêrîn û ciwanên şoreşger dikin. Hêvîdar in fîlm bi dilê we be spasiya we tevan dikin.”

Fîlm bi baldariyek mezin hate temaşekirin.

ANHA