Li Kobanê merasîmê 4 şehîdan

Ji bo kesayeta welatparêz Ekrem Ustek ê 11' Gulanê di êrişeke hewayî ya dewleta Tirk a dagiker a li ser Kobanê de şehîd bûbû, merasîmeke li Goristana Şehîd Dicle ya Kobanê hate lidarxistin. Bi sedan şêniyên herêma Firatê beşdarî merasîmê bûn.

Di merasîmê de Mecilsa Malbatên Şehîdan nasnameya 3 gerîlayên şehîd eşkere kir. Nasnameya gerîlayên şehîd wiha ye: Nejdet Salih (Rûmet Amed), Dilvîn Ato (Eylem Ronî) û Gulîstan Hebeş (Zîlan Rustem) ku di berxwedana Zapê li çiyayên Kurdistanê di navbera 22`ê Nîsanê û heta 5`ê Gulanê de şehîd bûn.

Merasîm bi rêzgirtin dest pê kir. Paşê Hevserokê Meclisa Leşkerî ya Kobanê Mehmûd Kobanê axivî û got şerê li ser erdnîgariya Kurdistanê tê kirin ji bo gelê Kurd şerê hebûnê ye, dewleta Tirk ku destekê ji NATO`yê digre hemû cûreyên çekên qirkirinê li dijî kurdan bikar tîne.

Mehmûd Kobanê destnîşan kir ku yekitiya kurdan bersiva herî baş a li hemberî dijmin e û îşaret bi girîngiya berxwedanê di hemû qadan de kir.

Piştre Hevseroka Meclisa Navçeya Şeran Letîfa Silêman banga xwedîderketina li berxwedana gerîlayan kir û got, êrişên li dijî gerîla hedefkirina îradeya gelan û çavkaniya morale ye.

Paşê nasnameya 4 şehîdan hate xwendin û radestî malbatên wan hate kirin.

Cenazeyê şehîd Ekrem Ustek wê ber bi herêma Cizîrê ve were şandin da ku were oxirkirin.

(bx)

ANHA