Kongreya 11'emîn a rêxistina PYD'ê ya Ewropayê li dar dikeve

Bi diruşmeya "Bi rihê şoreşa Rojava em xwe bi rêxistin bikin û xwebûna xwe biparêzin'', Kongreya 11'an a rêxistina Partiya Yekitiya Demokatîk (PYD) ya Ewropayê li bajarê Venlo yê Hollandayê tê lidarxistin. 250 nûnerên PYD'ê yên tevahî dewletên Ewropayê di kongreyê de amade ne.

Her wiha nûnerên partî û tevgerên siyasî yên kurdistanî jî amade bûn, ji wan hevserokê Konseya Rêveber a KNK’ê Ehmet Karamûs, Hevserokê Kongra Gel Remzî Kartal, endamê Konseya Rêveber a KCK'ê Zubeyîr Aydar, serokê Partiya Nûjen a Kurdistanê Rizgar Qasim, berpirsê Yekitiya Êzidiyên Rojava Fewzî Çolî, berpirsê Partiya Demokrat a Kurd a Sûriyê li Ewropayê Bavê Narîn, Hevserokê Kongreya Civaka Demokratîk li Ewropayê  (KCDK-E) Yuksel Koç, berpirsê Partiya Jiyana Azad a Kurdistanê li Ewropayê  (PJAK) Sabir  û seroka Desteya Rêveber a MSD'ê Îlham Ehmed amade bûn.

Piştî kêliya rêzgirtinê, endamê komîteya amadekar a kongreyê Xebat Şakir axivî.

Xebat Şakir bal kişand ser qonaxa hestiyar a ku gelê Kurd tê re derbas dibe û destkeftiyên Rojava, rola PYD'ê li Ewropayê da ku karibe rêveberiya qonaxa dîplomasî û siyasî li Ewropayê pêk bîne û bilindkirina têkoşîna rêxistinê li nava revenda Kurdî.

Kongrê wê sibe dewam bike.

ANHA