Stêrk Efrîn li Şehbayê hate bibîranîn

Meclisa Malbatên Şehîdan a Herêma Efrînê ji bo gerîlaya HPG'ê Hemîde Mihemed (Stêrk Efrîn) a ku 17'ê Nîsana 2017'an li herêma Kato şehîd bûbû, merasîmek li dar xist.

Merasîm bi amadebûna bi sedan şêniyên Efrînê li ber komîngeha 4'an gundê Babins ê navçeya Ehdasê ya kantona Şehbayê hate lidarxistin.

Merasîm bi rêzgirtin dest pê kir. Piştre endama rêveber a Meclisa Malbatên Şehîdan a Kantona Efrînê Sureya Hebeş sersaxî ji malbata şehîd Stêrk re xwest û got: "Li eniyên berxwedanê yên li çiyayên Kurdistanê bi hezaran mîna Stêrk, Barîn û Arîn hene ku li hemberî êrişên qirkirinê li ber xwe didin."

Sureya Hebeş piştgiriya xwe bi berxwedana gerîlayan re nîşan dan û got, ew amade ne çek rakin û li hemberî dagirker û çeteyên PDK'ê şer bikin.

Her wiha di dawiya axaftina xwe de soza domandina têkoşînê heta rizgarkirina herêmên dagiakirî da.

Di merasîmê de endama rêveber a Kongra Star a Herêma Efrînê Gulê Mihemed jî got: "Xiyaneta malbata Barzanî ne nû ye, alîkariyê dide dagirkeran da ku kurdan tune bikin."

Piştî axaftinan nasnameya şehîd Strêk Efrîn hate xwendin û radestê malbata wê hate kirin.

Merasîm bi diruşmeyên "Şehîd namirin" bi dawî bû.

ANHA