Necmedîn Mele Omer: Tecrîd ne tenê li ser rêber Ocalan e

Dewleta Tirk tecrîda li ser rêber Abdullah Ocalan ê di girtîgeha Îmraliyê de girtî ye, giran dike. Rê nade malbat û parêzerên wî ku wî bibînin. Herî dawî 25'ê Adara 2020'î de rêber Ocalan bi rêya telefonê bi birayê xwe re Mihemed Ocalan re axivîbû, peywendî 5 deqeyan dewam kir.

'RÊBERÊ AŞTÎ Û ŞOREŞÊ YE'

Têkildarî mijarê sekertêrê giştî yê Partiya Komunîst a Kurdistanê Necmedîn Mele Omer got, rêber Abdullah Ocalan rêberê aştî û şoreşê ye.

Mele Omer bal kişand ser tecrîda giran a li ser rêber Ocalan û wiha dewam kir: "Rêber Apo bi komployeke navneteweyî paşverû û şovenîst hate dîlgirtin. Rêber Ocalan bi fikir û felsefeya xwe banga mîsogerkirina azadî û demokrasiya hemû gelan dike."

Necmedîn Mele Omer anî ziman ku tecrîda giran ne tenê fikirê rêber Ocalan dike hedef û wiha axivî: "Fikrê rêber Apo ne tenê ji bo gelê Kurd e. Di heman demê de banga serxwebûn û azadiya hemû gelên bindest dike. Dewletên komploger nekarîn fikir û felsefeya rêbertî tune bikin, berovajî vê  ramanê wî li hemû cîhanê belav bû."

Mele Omer tecrîda giran a li ser rêber Abdullah Ocalan şermezar kir û got: "Em partiyên siyasî vê siyaseta li dijî rêberê şoreşa aştiyê red dikin û divê hemû gel û tevgerên azadîxwaz li hemberî vê tecrîdê serî hildin."

Sekretêrê giştî yê Partiya Komunîst a Kurdistanê Necmedîn Mele Omer got, ji bo pêkanîna azadiya fîzkî ya rêber Ocalan û tevahî girtiyên siyasî yên di girtîgehên faşîzma dewleta Tirk de divê gel hevgirtî be û dengê xwe bikin yek.

(eh)

ANHA