Li Qamişlo merasîma bîranîna şehîdên enternasyonalîst

Saziya Enternasyonalîst a Bakur û Rojhilatê Sûriyê bi hevkariya Meclisa Malbatên Şehîdan a Qamişlo bi boneya salvegera 11’an a şehadeta têkoşerê enternasyonalîst Elefteria Fortulaki merasîma bîranîna hemû şehîdên enternasyonalîst ku di şoreşa Bakur û Rojhilatê Sûriyê de şehîd bûbûn, li dar xist.

Merasîm li Navenda Mihemed Şêxo ya Çand û Hunerê ya Qamişlo li dar ket. Tê de endamê Meclisa Malbatên Şehîdan a Qamişlo Mihyedîn Hesen axivî û sersaxiya malbatên şehîdên enternasyonalîst xwest û wiha got: "Rola şehîdên enternasyonalîst di hemû destkeftiyên şoreşa Bakur û Rojhilatê Sûriyê û têkbirina çeteyên DAIŞ’ê de hebûn û gelê herêmê deyndarê wan e."

Dûvre endama Saziya Enternasyonalîst Rozê Çekjîn axivî û behsa têkoşîn û armanca şehîdên enternasyonalîst û hevgirtina wan bi tevgerên azadiya gelan re kir.

Her wiha piştre peyama şehîd Elefteria Fortulaki li pêş beşdaran hate xwendin.

Piştî peyam hate xwendin, sînevîzyonek li ser şehîdên enternasyonalîst hate pêşandan, dûvre li diyaloga di navbera rêber Ocalan û şehîd Andrei Wolf de hate guhdarkirin.

Merasîm bi stranên şoreşgerî û helbestên bi zimanê ingilîzî ji hêla endamên Saziya Enternasyonalîst ve bi dawî bû.

(fr)

ANHA