Agirê Newroza 2022'an li Bakur û Rojhilatê Sûriyê hat dadan

Bi dirûşma "Bi îradeya gelan em ê Newroza 2022’yan bikin Newroza azadiya rêber Apo" agirên Newrozê li qadên pîrozbahiyê yên Bakur û Rojhilatê Sûriyê, Heleb û Şamê hate vêxistin.

NÛÇE

21 adar, 2022 10:36

NAVENDA NÛÇEYAN

Çend kêliyan berî, pîrozbahiyên Newroza 2022'an li qadên Bakur û Rojhilatê Sûriyê, Heleb û paytexta Sûriyê Şamê dest pê kir.

QAMIŞLO

Dayika şehîd Zinarîn Delal Mihemed, dayika şehîd Mazlûm Necah Gulo û dayika şehîd Nûr El-Dîn Şemsê Xan agirê Newrozê li bajarê Qamişlo vêxistinî piştre çalakiyên pîrozbahiyê li meydana Hîmo li rojavayê bajêr dest pê kirin.

Bi hezaran şêniyên Qamişloyê ji pêkhateyên Kurd û Ereb bi cilên xwe yên folklorî ji saetên sibehê ve herikîn qada Newrozê.

TIRDESPIYÊ

Li bendava Mizqift a dikeve bakurê rojhilatê navenda navçeya Tirbespiyê, dayika her du şehîdan Lewend û Nûbar, Heyat Silêman û dayika her sê şehîdan Simko, Geylan û Mihemed, Zeyneb Murad agirê Newrozê vêxistin.

GIRKÊ LEGÊ

Li navçeya Girkê Legê her wiha dayikên şehîdan agirê Newrozê li qada pîrozbahiyê ya gundê Haleq a girêdayî navçeya Alyan, vêxistin û çalakiyên pîrozbahiyê bi beşdariya gelê Girkê Legê, Çil Axa, Til Koçer û gundên girêdayî wê dest pê kir.

DÊRIK

Li bakurê rojhilatê bajarê Dêrikê li Bendava Borza, dayika şehîd Hevrîn, Sûad Mistefa, dayika şehîd Çekdar Ferha Fetah û hevjîna şehîd Elî, Wensa Çawîş agirê Newrozê vêxistin.

AMÛDÊ, HESEKÊ, TIL TEMIR, DIRBÊSIYÊ, EFRÎN, HERÎMA FIRATÊ, REQA

Li Amûdê li gundê Çaxir Bazar, li Til Temirê li Qasrekê, li Dirbêsiyê li gundê Çol Bustan, li herêma Şehbayê li gundê Elawşê ya navçeya Ehdas, li herêma Firatê li aliyên Til Meştenûr a Kobanê, li Reqayê li meydana fekoltiya Çandiniyê, dayikên şehîdan agirê Newrozê hat dadan û pîrozbahiyên Newrozê dest pê kirin.

HELEB

Agirê Newrozê li Helebê li Şiqeyêf a taxa Şêxmeqsûd saet 12:00`an hat dadan.

(dx)

ANHA