Palatforma çalakiyên hevbeş şehîdên azadiyê bi bîr anîn

Bi boneya Roja Jinan a Cîhanê, platforma çalakiyên hevbeş ên tevger û rêxistinên jinan ên Bakur û Rojhilatê Sûriyê, şehîdên azadiyê bi vêxistina mûman li ser gorên wan bi bîr anîn.

NÛÇE

1 adar, 2022 18:08

QAMIŞLO

Ji bo bîranîna şehîdên azadiyê û bi boneya Roja Jinan a Cîhanê îro di saetên êvarê de endamên saziyên platforma çalakiyên hevbeş ên tevger û rêxistinên jinan ên Bakur û Rojhilatê li Goristana Şehîd Delîl Seroxan a bajarê Qamişlo mûm li ser gorên şehîdên pêxistin.

Platforma çalakiyên hevbeş ên tevger û rêxistinên jinan ên Bakur û Rojhilatê Sûriyê di 23'yê Sibatê de bi dirûşmeya "Bi hev re em şoreşa xwe diparêzin û axa xwe rizgar bikin" çalakî dan destpêkirin. Çalakî wê heta 10`ê Adarê berdewam bikin.

/ar/uploads/files/2022/03/01/162502_dsc_0003.webp

Derbarê mijarê de bi dehan endamên platforma çalakiyên hevbeş ên tevger û rêxistinên jinan ên Bakur û Rojhilatê Sûriyê li Goristana Şehîd Delîl Seroxan kom bûn û mûm li ser gorên şehîdên azadiyê pêxsitin.

Her wiha ji aliyê platformê ve daxuyaniyek hate dayîn. Di daxuyaniyê de bi boneya Roja Jinan a Cîhanê şehîdên azadiyê hatin bibîranîn. Her wiha Roja Jinan a Cîhanê li dayik, hevjîn û keçên şehîdan hate pîrozkirin.

Di daxuyaniyê de îşaret bi rola YPJ`ê di parastina xak, gel, nasname û berxwedana lehengî di tunekirina terorê de hate kirin.

Platformê di daxuyaniya xwe de diyar kir ku destkeftiyên ku jinan bidest xist baweriya wê bi wê vegerand, veguherandineke fikrî û civakî li herêmên Bakur û Rojhilatê Sûriyê pêk anî.

Di dawiyê de soz hate dayîn ku layiqê nirxên şehîdan bin, destkeftiyên ku bi saya wan hatine bidestxistin werin parastin û ala azadiyê bi ewl rakirin, hate ku armancên şehîdan a rizgarkirina tevahî herêmên dagkirî pêk werin.

(bx)

ANHA