Şêniyên Helebê sersaxî da malbata şehîd Awaz Gul

Şêniyên taxên Şêxmeqsûd û Eşrefiyê yên Helebê sersaxî da malbata şehîd Awaz Gul.

NÛÇE

21 sibat, 2022 13:15

HELEB

Şêniyên taxên Şêxmeqsûd û Eşrefiyê yên Helebê duh cenazeyê şehîd Ebîr Mûsa (Awaz Gul) ê ji pêkhateya Ereb li goristana şehîdan a Helebê bi merasîmekê veşartibû.

Îro jî Meclisa Malbatên Şehîdan a Helebê konê sersaxiyê li Qada Azadî ya taxa Şêxmeqsûdê veda.

Bi dehan şênî û endamên komînên taxê, partî, saziyên sivîl, şervanên YPG û YPJ`ê, Hêzên Ewlekariya Hundirîn û Hêzên Parastina Civakî (HPC) sersaxî da malbata şehîd.

Di merasîmê de bi navê Partiya Yekitiya Demokratîk (PYD) Hêvîn Silêman, Kongra Star Rûşîn Şêxo, Meclisa Şehîd Denîz Elî Efrîn û bi navê Xeta Rûbar Qamişlo Kîbar Welîd axivîn û sersaxî da malbata şehîd.

Axêveran diyar kir ku dijminên gel bi hemû rêbazan êriş dikin da ku projeya Rêveberiya Xweser û vîna gelên azadîxwaz têk bibin. Ji bo rêgirtina li pêşiya komployên dijminan, axêveran bang li gelan kir ku li hember van hewldanan bibin yek û şopdarên rêya şehîdan bin.

Axêveran destnîşan kir ku gel minetdarên fedakariyên şehîdan in ku ji bo hemûyan bûne mîras.

(şx)

ANHA