Li Şamê komploya navneteweyî hate şermezarkirin

Bi sedan Kurdên li Şamê beşdarî meşê bûn. Meş li kolanên taxa Zorava geriya. Di meşê de pankartên bi nivîsa "Azadiya APO azadiya hemû gelan e" hatin hildan û dirûşmeyên şermezarkirina komployê û banga azadiya fîzîkî ya rêber Ocalan hatin berzkirin.

Meş li navenda taxê veguherî mîtîngê. Di mîtîngê de daxuyaniyek ji aliyê endama Kongra Star a Şamê Mizgîn Ehmed ve hate xwendin û têde komploya navneteweyî hate şermezarkirin.

Daxuyanî wiha ye: "Bi navê Kongra Star a Şamê, em komploya navneteweyî ku gelek dewletên komploger li dijî gelên azadîxwaz tev li wê bûn, şermezar dikin. Roja 15`ê Sibatê ji bo gelên  Rojhilata Navîn bi giştî û gelê Kurd bi taybet rojeke reş e. Komploger bi bin ketin û  nikaribûn fikir û felsefeya rêbertî tune bikin. Bi hezeran fikir û felsefeya rêbertî esas girtine.

Mînaka têkçûna we jî berxwedana hêzên me li dijî DAIŞ`ê û avakirina hêzên leşkerî, rêxistinkirina jinan ku di nava hemû aliyên jiyanî de weke leşkerî, rêveberî û siyasî de dixebite her wiha di aliyê diplomatîk û avakirina sazî û rêveberiyan de. Ji ber wê jî hikumeta dewleta Tirk berê xwe dide rêbazên xirab di danûstandina bi rêbertî re û tecrîda ku li ser wî ferz dike, derfetê nade parêzer û malbata wî ku serdana wî bikin. Tevî vê yekê jî hikumeta dewleta Tirk têr nebû û ji ber wê jî bi çekên kîmyewî êrişî çiyayên Kurdistanê, herêm û bajarê Sûriyê dike. Sivîlan topbaran dike, dikuje weke dagirkirina Efrîn, Serêkaniyê û Girê Spî.

Em êriş berdewamiya komploya navneteweyî ne. Her wiha êrişa li ser girtîgeha Sînaa ya bajarê Hesekê û destekdayîna ji çeteyên DAIŞ`ê re jî berdewamiya komployê ye. Em soz didin rêber Abdullah Ocalan ku em ê ji bo bidestxistina azadiya wî têbikoşin. "

Mîtîng bi dirûşmeyên banga azadiya fîzîkî ya rêber Ocalan  bidawî bû.

(bx)

ANHA