Helbestvan Yusif Berazî li Hesekê hate bibîranîn

Bi boneya salvegera 13`an a koçkirina helbestvanê Kurd Yusif Berazî "Bêbuhar", Yekitiya Rewşenbîran a Herêma Cizîrê çalakiyeke hunerî li Baxçeyê Xwendinê yê Hesekê li dar xist. Bi dehan rewşenbîr û hunermendan û malbata helbestan beşdarî bîranînê bûn.

Biraziyê helbestvan Yusif Berazî, Şewket Berazî axivî û îşaret bi welatparêziya helbestvan kir û wiha dewam kir: "Helbestvanên Kurd ên wekî Cegerxwîn û Osman Sebrî bandor lê kirin û her tim di helbestên xwe de behsa doza kurdî dikir."

Dûvre li ser kurtejiyana helbestvanê nemir Yusif Berazî û kar û xebatên wî sinivîsyonek hate pêşandan.

Paşê gelek helbestvan û rewşenbîrên Kurd ji wan Enahîta Sîno, Bawer Can, Hozan Kurkundê, Îsa Ebû Siwar û Ferhad Merdê helbest gotin û nivîsên helbestvan "Bêbuhar" xwendin.

Çalakî bi stranên ji gotinên helbestvanê Kurd Yusif Berazî bi dawî bû.

Helbestvan Yusif Berazî (Bêbuhar) 1931`ê li gundê Til Circiyê yê herêma Babê ya rojhilatê bajarê Helebê ji dayî bûye û dûvre li herêma Serêkaniyê tevî malbata xwe bi cih bûye. Berazî 1943`yan yekemîn helbesta xwe nivîsand û xelata helbestvban Cegerxwîn wergirt. Yusif Berazî 15'ê Çileya 2009'an de wefat kir.

(eh)

ANHA