Şêniyên Til Temrê şehîdên Komkujiya Parîsê bi bîr anîn

Şêniyên navçeya Til Temirê her sê şehîdên Komkujiya Parîsê bi bîr anîn û piştrast kir ku dewleta Tirk a dagirker bi şehîdxistina her sê jinan xwest vîna jinên azad têk bibe.

NÛÇE

10 ÇILE, 2022 13:46

HESEKÊ

Kongra Star a navçeya Til Temirê ya kantona Hesekê, îro bi wesîleya salvegera 9`an a Komkujiya Parîsê ya li dijî her sê jinan Sakîne Cansiz, Fîdan Dogan û Leyla Şaylemez, semînerek li dar xist. Bi dehan şêniyên navçeyê û endamên saziyên sivîl tev li semînerê bûn.

Di semînerê de endama rêveber a Kongra Star Raperîn Nurhaq axivî û têkoşîna têkoşîna her sê şehîdan vegot.

Raperîn Nurhaq destnîşan kir ku îstîxbarata dewleta Tirk a dagirker (MÎT) li ber çavê desthilata Fransa û bêdengiya naveteweyî, her sê jin şehîd xistin. Raperîn Nurhaq got: "Dijmin bi rêya şehîdxistina her sê jinan, xwest vîna jinên azad têk bibe û tune bike. Lê ew tê negihiştine ku bi sedan Sakîne, Fîdan û Leyla hene ku xwe bi rêxistin kirine û hêza xwe ji wan jinan girtine."

Di dawiya semînerê de sînevîzyonek têkildarî têkoşîna her sê şehîdan hat pêşandan.

(şx)

ANHA