Li dijî 2 jinên efrînî yên di girtîgehên çeteyên Tirkiyê de gefên darvekirinê tên xwarin

Piştî dawiya Mijdara derbasbûyî welatiyê bi navê Silêman Nûrî Nûman li girtîgeha Raî ya girêdayî çeteyên Tirkiyê di bin îşkenceyê hate kuştin, di raporeke Partiya Yekitiya Demokrat a Kurd li Sûriyê de hat eşkerekirin  heman aqûbeta gef bi heman tawanê  li jiyana du jinên efrînî tên xwarin.

Desthilata Tirk 17-11-2021`ê ji malbata welatiyê bi navê "Silêman Nûman" ê ji gundê Bozikê ya Efrînê ku bavê 4 zarokan e gotibû ku ew di girtîgeha Raî de wefat bû. Silêman Nûman 24-6-2019`an ji aliyê îstixbarata Tirk û îstixbarata bi navê polîsên li Ezazê ve hate revandin. Îstixbaratê rê nedida malbatê ku pê re bicivin û ew îşkence dikirin. Beriya wê jî li Efrînê di 2018’an de mehekê hate girtin, lê piştre hate berdan.

Çavkaniyê diyar kir ku gelek tawan li dijî Silêman û 3 jinên pê re hatin girtin, hatin birîn. Navên van jinan jî wiha ne; "Keçmama wî ya bi temen Mewlûde Nûman a  di 1956`an de ji dayik bûye û di bin îşkenceyê de hate qetilkirin û Fîdan Bîlal keça Ebdurehman a di 1999`an  de hatiye dinê û ji gundê Qidê yê navçeya Raco û Wîsal Henan keça Henan Emîn ku di 1986`an de hatiye dinê û ji Efrînê ye." Piştî 6 mehan her 4 girtî rakirin dozgeriya giştî ya Ezazê û li ser vê yekê bi tawana ku bi kiryarên terorîstane radibin hatin dadgehkirin.

Parêzerekî ji Nivîsgeha Ragihandina Partiya Yekitiya Demokrat a Kurd li Sûrî re ragihand ku îfadeyên kesên girtî bê bingeh e û wekî şanoyekê hatiye nivîsandin, heta dadgehkirina wan jî ne bi awayekî eşkere bû û kesên girtî nikarîn parêzeran erkdar bikira.

Partî têkildarî aqûbeta her du jinan bi fikar e û ditirse ku çarenûsa wan jî wekî ya Silêman û Mewlûde be, nexasim ku gefa darvekirinê li wan hatiye xwarin.

Dadgehên heyî bi perspektîfên yekser ji MIT’a Tirk de dixebitin û li dijî şêniyên Efrînê sûcan dikin.

(eh)