Çalakiyên "Şopdarên Rojê" bi dawî bûn

Navenda Şopdarên Rojê ya Çand û Hunerê di roja duyemîn û ya dawî de belgefîlma Waşûkanî li kampa Waşûkanî ya Hesekê pêşan da.

29 mijdar, 2021 17:47

HESEKÊ

Belgefîlm li hola meclisa kampê li dar ket û tê de bi dehan ji koçberên kampa Waşûkanî, endamên Komîteya Koçberên herêma Serêkniyê, endamên tevahî sazî û navendên sivîl ên bajêr amade bûn.

Armanca belgefîlma ku dema wê 30 deqe ye ew e ku azarên ku dagirkeriya Tirk û çeteyên wê li dijî koçberan pêk anîne, bêdengiya raya giştî li hember sûc û binpêkirinan û berxwedana mezin a li Serêkaniyê li dijî dagirkeriya Tirk û çeteyên wê de bûye werin eşkerekirin.

Di belgefîlmê de bal li ser rola ragihandinê hat kişandin ku gelek caran hewl da rastiya berxwedan û sûcên dagirkeriya Tirk li dijî Serêkaniyê eşkere bike û bigihîne raya giştî.

Ev belgefîlm, belgeya şermezarkirin û nîşaneya eşkere ya sûcên dewleta Tirk a dagirker ên li dijî şêniyên Serêkaniyê û gundewarên wê ye, li gel wê jî ev belgefîlm daxmayeke şermê li dijî civata naveneteweyî ku li dijî sûcan bê deng e.

(fr)

ANHA