Malbatên şehîdên Hesekê salvegera damezirandina PKK pîroz kir

Meclisa Malbatên Şehîdan a bajarê Hesekê bi boneya 43’yemîn salvegera damezrandina Partiya Karkerên Kurdistanê (PKK), sînevîzyonek der barê axaftinên rêber Abdullah Ocalan da pêşandan.

28 mijdar, 2021 11:50

HESEKÊ

Bi dehan malbatên şehîdan û endamên saziyên sivîl beşdarî sînevîzyonê bûn.

Sînevîzyon bi deqeyeke rêzgirtin dest pê kir, piştre sînevîzyon der barê axaftinên rêber Abdullah Ocalan a ji sala 1991’an ve bi boneya 13’emîn salvegera damezrandina Partiya Karkerên Kurdistanê, hate pêşkêşkirin.

Rêber Ocalan di axaftina xwe de bal kişand ser rewşa Rojhilata Navîn û rola gelê Kurd li herêmê, her wiha bal kişand ser girîngiya perwerdekirina kesayetî ji bo pêşxistina çanda xwe û çanda giştî li herêmê.

Her wiha rêber Ocalan bal kişand ser çawaniya avakirina kesayetek neteweyî û azad û azadiya raman û azadiya jinê.

/ar/uploads/files/2021/11/28/103850_dsc_0009.webp

Ocalan di axaftina xwe de bal kişand ser destkeftiyên Partiya Karkerên Kurdistanê (PKK) ji damezrandina wê heta 1991'an û çawa ku têkoşîna xwe li hemberî hewldana dewleta Tirk a dagirker a ji bo tunekirina nasnameya kurdî û qirkirina gelê Kurd, birêxistin kir.

Di sînevîzyonê de çalakiyên HPG`ê yên li dijî artêşa Tirk a dagirker li Bakur û Başûrê Kurdistanê hatin pêşkêşkirin.

(dx)

ANHA