Şêwekar Hesen Hemdan semîner da

Semîner bi navê "Çîrokên ji bîranînê û qonaxên hunerî di jiyana hunermend de" ji aliyê şêwekar Hesen Hemdan ve hate dayîn.

Di semînera ku li parka Xwendinê ya taxa Til Hecer a bajarê Hesekê hate dayîne de bi dehan rewşenbîr û endamên saziyên sivîl beşdar bûn.

Semîner bi deqeyeke rêzgirtinê dest pê kir, piştre şêwekar Hesen Hemdan dest bi dayîna semînerê kir û wiha got: "Ji kevn ve huner li herêmê  heye û bi demê re pêşket û destanên ji wêneyan derketin. "

Hesen Hemdan diyar kir ku li herêma Cizîrê  mîrasên çandî yên pirreng hene û ew bi kelepora xwe ya şaristanî bi nav û deng e, ji ber ku di nava xwe de gelek pêkhate û şaristaniyan dihewîne.

Hemdan nîşan kir, hunera şêwekarî ji kevntrîn zimanê axaftinê ya mirovahiyê ye û da zanîn ku wênexêzan li malên kevnare tên dîtin.

Hemdan îşaret pê kir ku her pêkhateyek li herêma Cizîrê taybetmendiyeke wê cûdayî pêkhateya din heye, cil û bergên her herêmekê cûdayî herêmê din e.

Şêwekar Hesen Hemdan her wiha behsa galeriyên kevn ên li herêmê derketin û şêwekarên ku bi wênexêz û hunerên xwe dîroka herêmê derxistin, kir.

Semîner bi nîqaşan bi dawî bû.

(l.e)

ANHA