Partiya Sûriya Pêşerojê li Tebqayê panelek li ser xeteriyên hişbirê li dar xist

Bi beşdariya gelek keç û xortên bajarokê Mensora panelek li hola civînan hat lidarxistin.

Panel bi deqeyeke rêzgirtinê dest pê kir, dûvre bijîşk Ebdullah El-Mebrok beşên panelê şîrove kirin, her wiha behsa cureyên hişbir û xeteriya wê li ser tevahî civakê, bi taybet li ser ciwanan kir.

El-Mebrok di axaftina xwe de behsa rewşa kesên hişbirê dibin û xeteriya wê li dijî wan kir, her wiha da zanîn ku kesên hişbirê dibin rûbirûyî guhartinên derûnî û bedenî kirin.

Ebdullah El-Mebrok îşaret bi diyardeya belavbûna hişbirê û xeteriyên wê li ser civakê kir û da zanîn ku divê têkoşîna li dijî hişbirê were kirin û sînordarkirin û civaka li ser xeteriyên wê were zanakirin.

Ebdullah El-Mebrok bal kişand ser rola ragihandinê ya têkoşîna li dijî xeteriya hişbirê û divê ew yek bi rêya bernameyên zanakirinê û destpêkirina hemleyan li ser tevnên civakî pêk werin.

Dûvre deriyê nîqaşê ji beşdaran re têkildarî nêrîna wan di çawaniya sînordarkirina berbelavkirina hişbirê û çareseriyên ku divê civak ji bo têkbirina vê diyardeyê bikin de, hat vekirin.

ANHA