Şêniyên Amûdê li pêşiya baregeha Rûsyayê çalakiyek li dar xist

Rûsyayê aliyekî garantor a peymana agirbesta li herêmê yê ku bi artêşa Tirk a dagirker re îmze kiriye, lê tevî ku hêzên wê li seranserî herêmê hatine bicihkirin, dîsa jî bi erka xwe ranabe û dawî li êrişên li dijî herêmê nayne.

Bi mijarê ve girêdayî partiyên siyasî û şêniyên Amûdê têkildarî vê yekê de li pêşiya navenda rûsî ya ku qaşo garantora peymanê ye, çalakiyek li dar xist û banga nîşandina helwestê kirin.

Beşdaran pankartên bi nivîsên: "Hedefgirtina QSD`ê îstiqrara herêmê lawaz dike" û "QSD`ê hêzeke niştimanî sûrî ye, armanca wê yekitiya xaka Sûriyê ye" rakirin.

Di çalakiyê de beşdaran bang li Rûsyayê kir ku têkildarî sûc û êrişên dewleta Tirk ên domdar ên li dijî herêmê bê deng nemîne.

Beşdaran Rûsya berpirsa sûc û êrişên dewleta Tirk ên ku tevahiya herêmê hedef digire, dît û da zanîn ku dewleta Tirk a dagirker bi van êrişên xwe hewl dide şerekî nû li herêmê derxe.

Rayedarên Tirk tim gefên dagirkirinê li herêmên Bakur û Rojhilatê Sûriyê dixwe û şêniyên herêmê diyar kirin ku li hemberî êrişên muhteml ên Tirkiyê ew amade ne bersivê bidin.

(eh)

ANHA