Hêzên Ewlekariya Hundirîn 22 DAIŞ'î li Dêrazorê girtin

Ji ber teqîn û sûiqestkirina karmendên saziyên sivîl û leşkerî, Hêzên Ewlekariya Hundirîn operasyoneke ewlehiyê li gundewarê rojhilatê Dêrazorê  li dar xist. Di encamê de şaneyeke DAIŞ'ê hate girtin ku ji 22 çeteyan pêk dihat.

Têkildarî operasyonê, endamê rêveber ê Rêveberiya Giştî ya Hêzên Ewlekariya Hundirîn Beşar Saib got: "Piştî operasyona şopandin û lêgerînê ya ji aliyê Hêzên Ewlekariya Hundirîn ve, cihê endamên şaneyê hate naskirin. Ev şande li herêma Riz a gundewarê rojhilatê Dêrazorê ye."

Saib destnîşan kir ku endamên şaneya terorîst  li herêmê xwe di malan de vedişartin, her yek peywirek girtiye.

Beşar Saib got: "Piraniya endamên şandeyê berpirsên sûîqastkirina berpirsiyaran, bicihkirina mayînan, peydakirina pêwîstiyên lojîstîk ji endamên şaneyê re ne."

Saib her wiha got: "Bi koordîneya Koalîsyona Navneteweyî, Hêzên Ewlekariya Hundirîn herêm dorpêç kir û operasyona lêgerînê da destpêkirin. Di çarçoveya koordîne û xebateke bi baldarî ji aliyê  HAT ve endamên şaneya terorîst hatin girtin û herêma Riz ji şaneyan hate paqijkirin."

Beşar Saib diyar kir ku operasyonên wan ên li dijî terorê berdewam in.

ANHA