Rêveberiya Xweser nirxê garisê zer diyar kir

Hevserokatiya Desteya Rêveber a Rêveberiya Xweser a Bakur û Rojhilatê Sûriyê Bêrîvan Xalid bi Desteya Aborî û Çandinî re civiya. Civîn bi armanca diyarkirina nirxê garisê zer bi amadebûna cîgirê Hevserokatiya Rêveberiya Xweser Hesen Koçber, hevserokên desteyên aborî, şirîketa pêşxistina civaka çandinî û Koordînasyona Yekitiya Cotkaran  hate lidarxistin.

Hevserokê Desteya Aborî û Çandinî ya Rêveberiya Xweser a Bakur û Rojhilatê Sûriyê Selman Barûdo axivî: "Me îro civînek ji bo diyarkirina nirxekî guncaw ji garisê zer li dar xist, ji ber ku li herêmên Bakur û Rojhilatê Sûriyê garis di asta duyemîn de piştî genim û pembo tê."

Barûdo diyar kir ku piştî pêşniyarên li ser mijarê hatin rakirin û ji aliyê Desteya Çandinî ya Bakur û Rojhilatê Sûriyê ve hate lêkolînkirin, hezar û 100 lîreyên sûrî ji bo kîloyekê hate diyaririn.

Hevserokê Desteya Aborî û Çandiniyê Selman Barûdo got, garis xwedî girîngiyeke mezin li Bakur û Rojhilatê Sûriyê ye û got: "Kargeheke me ya givaştina garisê zer li Reqayê heye, hêza wê 54 ton di saetekê de ye."

ANHA