​​​​​​​Şêniyên Efrînê soza domandina têkoşînê heta azadiya rêber Abdullah Ocalan da

Bi hezaran şêniyên herêma Efrînê ji bo şermezarkirina Komploya Navneteweyî ya li dijî rêber Abdullah Ocalan meşiyan.

Şêniyan wêneyên rêber Abdullah Ocalan, alên Meclisa Malbatên Şehîdan û Kongreya Star hildan.

Meş li ser rêya giştî ya bajarokê Til Qirahê yê navçeya Ehdasê ya kantona Şehbayê dest pê kir û li Kampa Serdemê ya li gundê Til Sûsinê yê Şehbayê bi dawî bû.

Di meşê de endama Koordînasyona Kongreya Star a Efrînê Şêrîn Hesen axivî û behsa armancên komployê kir û got: “Rêber Abdullah Ocalan dixwaze şoreşeke civakî li ser bingeha azadiya mirovan, bi taybet jinan, biafirîne.”

Şêrîn wiha domand: “Gelên bindest perspektîfên rêber Abdullah Ocalan ji xwe re kirin bingeh. Lê ev yek ne li gorî hêzên kapîtalîst bû, ji ber wê komplo li dijî Rêbertî li dar xist. Ew hêz difikirîn ku dikarin çirûska Rêbertî vemirînin lê berovajî wê çêbû û gelê me heta îro tê dikoşe.”

Her wiha endamê Komîteya Rêber Abdullah Ocalan Ferzenda Muzir got rêber Abdullah Ocalan Îmralî kiriye çavkaniya ronahî û zanistê û ji wir rêya gelan ronî dike. Muzir diyar kir ku dewleta Tirk a dagirker dijminatiya tevgerên azadiyê dike, nemaze tevgera rizgariya Kurdistanê û hewl dide wan têk bibe.

Di dawiya çalakiyê de efrîniyan soza berdewamkirina têkoşînê heta azadkirina rêber Abdullah Ocalan da.

(şx)

ANHA