Dayikên Gerîla: Dewleta Tirk xaka Başûr ji bo êrişên li dijî gerîla bi kar tîne

Dayikên Gerîla yên navçeya Amûdê, derbarê êrişên dewleta Tirk a dagirker li ser Başûrê Kurdistanê û gerîlayên HPG`ê daxuyaniyek dan. Daxuyanî li pêşiya navenda Kongreya Star a navçeya Amûdê hat dayîn.

Daxuyanî ji aliyê endama Meclisa Malbatên Şehîdan Cîhan Hebîb ve hat xwendin. Naveroka daxuyaniyê wiha ye:

“Di xwezaya civakê de, civak bi pir rengiyê, pir ziman, pir netewe û pir çandan tê avakirin. Miletê Kurd jî yek ji miletê resen û kevnar e li ser vê xakê, gelê Kurd xwedî şaristaniyek pir mezin e li ser vê xakê.

Sîstemên desthildar û şovenîst her dixwazin hêza civakê biçewisînin. Ev 42 salin Tevgera Azadiya Kurdistanê bênavber tekoşîn û berxwedana ji bo doza gelê Kurd dike, li her çar perçeyên welat berxwedaneke bêhempa tê meşandin.

Dewleta Tirk a dagirker bi dijminatî û hovîtiyeke pir mezin li hember gerîlayên HPG`ê şer dide meşandin. Bi dehan êrişan li ser Herêmên Parastinê yên Medyayê û çiyayên Kurdistanê pêk tîne û operasyonên leşkerî dide destpêkirin.

Xaka Başûrê Kurdistanê ji bo operasyonên xwe bi kar tîne û şervana şehîd dixe. Weke malbatên Gerîla em êrişên dagirkeriya dewleta Tirk li ser çiyayê Kurdistanê û gerîlayên xwe şermezar dikin.

Em bang dewletên navneteweyî, saziyên mafên mirovan û raya giştî dikin ku rê li ber hovîtiya dewleta Tirk bigire û mafê gelê Kurd radestî wan bike.”

(sb/cx)

ANHA

<iframe width="560" height="315" src="https://www.youtube.com/embed/7s1vyBwi0ho" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>