Partiya Sûriya Pêşerojê Meclisa Navçeya Tebqayê vekir

Bi armanca firehkirina kar û xebatan li bajar û gundewaran Partiya Sûriya Pêşerojê şaxê Tebqayê îro Meclisa Navçeyê ya li bajêr  vekir. Endamên partiyê, nûnerên sivîl û leşkerî, partî, kesayetên siyasî, rûspiyên êlan û bi dehan şêniyên navçeyê tev li vekirina meclisê bûn.

Di merasîma vekirinê de serokê Meclisa Navçeya Tebqayê ya Partiya Sûriya Pêşerojê Yasir El-Kurdî axivî û bi xêr hatina beşdaran kir.

Paşê bi navê Meclisa Navçeyê cîgira Meclisa Navçeya Tebqayê Nuha Hac Ehmed axivî û got: “Em beşek nayê parçekirin ji Rêveberiya Xweser in. Ew nûnertiya me û hemû pêkhateyên Bakur û Rojhilatê Sûriyê dike.”

Piştî wê endamê rêveber ê Malbatên Şehîdan Mihemed El-Ereb axivî û vekirina meclisê li partiyê pîroz kir.

Hevserokê Rêveberiya Sivîl a Tebqayê Mezlûm Omer axivî û destnîşan kir ku ji bo biserxistina projeya neteweya demokratîk Partiya Sûriya Pêşerojê hêvî ye.

Di dawiya merasîmê de dayîka şehîd Xalid El-Hemûd ku li Sehlebiyê şehîd bûbû navenda meclisê vekir û piştre beşdaran di nava beşên meclisê de geriyan da ku rêbaza meşandina kar û xebatan nas bikin.

(şx)

ANHA