Ciwanên Tirbespiyê li dijî êrişan seferberiya giştî ragihand

Bi pêşengtiya ciwanên şoreşger ên navçeya Tirbespiyê bi sedan şêniyên navçeyê bi meşekê êrişên dewleta Tirk a dagirker ên li ser Şengal, Til Temir û Zirganê şermezar kirin.

Meş ji pêşiya navenda ciwanan a rojavayê navçeyêê dest pê kir û di nava kola sereke de dewam kir. Di meşê de diruşmeyên silavkirina berxwedanê û şermezarkirina êrişên dewleta Tirk hatin berzkirin.

Meş li nava sûka navendî veguherî mîtîngê. Bi navê Tevgera Ciwanên Şoreşger a Sûriyê de endamê tevgerê Mihemed Hemîd daxuyanî xwend.

Di daxuyaniyê de êrişên dewleta Tirk a dagirker û çeteyên wê yên li ser Til Temir, Zirgan û Şengalê de û bêdengiya civata navneteweyî ya li hemberî êrişan hatin şermezarkirin.

Di daxuyaniyê de hate diyarkirin ku êrişên Tirkiyê bi erêkirina Rûsya û hikumeta Iraqê de pêk tên û hate gotin ku her du alî bi bêdengiya xwe şirîkên êrişan in.

Ciwanan di daxuyaniyê de seferberiya giştî li hemberî êrişên dagirkeriyê ragihandin.

ANHA

<iframe width="560" height="315" src="https://www.youtube.com/embed/KpburQolmnQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>