​​​​​​​Şehîd Weys El-Mistefa li Minbicê hate oxirkirin

Bi sedan şêniyên Minbicê cenazeyê şervanê Meclisa Leşkerî ya Minbicê Weys Ebas El-Mistefa (Ebû Ebdulla) ê ku duh di êrişên dagirkeriyê yên li ser gundên bakurê rojhilatê Minbicê de şehîd bû, bi merasîmekê spartin axê.

Şêniyan cenazeyê şehîd ji nexweşxaneya Firatê wergirtin û bi karwanekî li gel berzkirina diruşmeyên dilsoziya bi şehîdan re û silavkirina berxwedana Meclisa Leşkerî ya Minbicê ber bi goristana Şehîdan a başûrê bajar ve çûn.

Li goristanê deqeyeke rêz hate girtin û ji ailyê şervanên Meclisa Leşkerî ya Minbicê ve toraneke leşkerî hate lidarxistin.

Ji fermadnarên Meclisa Leşkerî ya Minbicê Ebdurehman El-Bendawî axivî û got: "Van şehîdan bajar ji terorê rizgar kirin, bi xwîna xwe ya pak axa welat avdan. Em soza xwe bi wan re nû dikin ku em ê têkoşînê berdeam bikin û destkeftiyên şehîdan biparêzin."

Hevserokê Meclisa Malbatên Şehîdan a Minbicê Rebîh Îzedîn sersaxî ji malbata şehîd re xwest û soza şopandina xeta şehîdan da.

Di merasîmê de Hevserokê Desteya Kar û Barên Civakî ya Rêveberiya Xweser a Bakur û Rojhilatê Sûriyê Farûq El-Maşî got:"Şehîdan rêya azadî û rûmetê nîşanî me dan, duh Minbicê ji aliyê hêzên tarî ve dagirkirî bû, îro bi ked û xwêdana zarokên wê rizgar bû."

Endamê Meclisa Malbatên Şehîdan a Minbicê Mehmûd Ebû Îdo nasnameya şehîd xwend û radestî malbatê kir.

Cenazeyê şehîd di nava diruşme û tilîliyên dayikan hate veşartin.

ANHA

<iframe width="560" height="315" src="https://www.youtube.com/embed/fwNXAsYLcSA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>