​​​​​​​Partiya Pêşketin û Guhartin a Neteweyî ya Demokratîk hate avakirin

Di kongreyê de nûnerên Meclisa Sûriya Demokratîk (MSD), partiyên siyasî û saziyên sivîl amade bûn.

Di kongreyê de partî hat danasîn, hat gotin ku ev partî partiyekî gel e û nûnertiya tevahî çînên civakê dike.

Her wiha bang li civaka navneteweyî û rêxistinên hiqûqî hate kirin ku Rêveberiya Xweser a Bakur û Rojhilatê Sûriyê nas bikin û divê ezmûna Rêveberiya Xweser li tevahî Sûriyê were pêkanîna da ku gelên herêmê bi ewle, azad û demokratîk bijîn.

Di kongreyê gelek axaftin ji hêla endamên partiyê û saziyên sivîl ve hatin kirin, di axaftinan de lidarxistina kongreyê hate pîrozkirin û hate gotin ku hêvî dikin ev partî têkeve xizmetî gel û beşdarî avakirina Sûriyeke azad û demokratîk bibe.

Sekreterê giştî yê partiyê Îbrahîm El-Xelîl jî wiha got: "Îro li navçeya Şedadê 1’emîn Kongreya damezrîner a Partiya Pêşketin û Guhartina Neteweyî ya Demokratîk hat lidarxistin, piştî civîna Komîteya Rêveberiya Giştî û Komîteya Siyasî ya partiyê sekreterê giştî yê partiyê hat erkdarkirin."

El-Xelîl da zanîn ku di kongreyê de rêziknameya partiyê  û armanca sereke ya partiyê hat şîrovekirin û got, armanc tevahî pêkhateyên herêmê di xwedîderketin û avakirina Rêveberiya Xweser a Bakur û Rojhilatê Sûriyê de bi awayekî aktîf beşdar bibin.

(fr)

ANHA