PYD'ê panelek li ser ramanê rêber Abdullah Ocalan li dar xist

Panel li hola Meclisa Qanûnsaz a bajarê Reqayê bi amadebûna hiqûqnas, çalakvanên siyasî û nûnerên partiyên siyasî hate lidarxistin.

Di panelê de du mijarên sereke hatin nîqaşkirin; rewşa qanûnî ya girtina rêber Ocalan û danasîna fikir û felsfeya Rêber Abdullah Ocalan û felsfeya neteweya demokratîk.

Hiqûqnasê di Dîwana Edaleta Civakî ya Reqayê de Abdullah El-Eryan bi bîr xist ku rêber Abdullah Ocalan bi komployeke navneteweyî bêyî tu qanûnan hat dîlgirtin û got, ev sûcê derexlaqî ji aliyê Tirkiyê û dewletên terorîst ve hate kirin.

Hiqûqnas Mihemed El-Taya jî diyar kir ku Tirkiyê hemû cûre îşkenceya siyasî û qetilkirin li dijî ronakbîr û fîlozofan, di nav de rêberê neteweyî Abdullah Ocalan dimeşîne û wiha got: "Rêber Abdullah Ocalan roleke sereke û girîng di çareserkirina pirsgirêkên Rojhilata Navîn de dilîze. Dewleta Tirk ji nêrîn û fikirên wî yên siyasî û exlaqî yên ku xwe dispêrin neteweya demokratîk, mirovê azad û vejandina nirxên civakê ditirse. "

Di mudaxeleyekê de endamê Komîteya Perwerde û Fêrkirina ya Reqayê Idrîs Hazim anî ziman ku exlaqî hafîzeya siyaseta civakê ye, fikirê rêbertî exlaqê esas digire.

Di panelê de li ser tecrûbeya Rêveberiya Xweser a ku xwe dispêre felsefeya neteweya demokratîk nîqaş çêbûn. Hate gotin ku ev tecrûbe xwe dispêre fikirê rêbertî.

ANHA

<iframe width="560" height="315" src="https://www.youtube.com/embed/LKziJ1waSd0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>