Cotkarên gundewarên bakurê Reqayê ji ber rêya giştî gazincan dikin

Cotkarên navçeya Hezîme ji ber rêya giştî ya Hezîma – Til El-Semin û toza ku ji erebeyên di ser rêya giştî re derbas dibin derdikeve, gazinc kirin.

Li gorî cotkaran ku ew toz dihêle zeviyên bembo û sebze telef bibin û nexweşî di nava zeviyan de çêbibe û zû bi zû bi dermanan nayê çareserkirin.

Cotkarê bi navê Ehmed El-Kedro destnîşan kir ku zeviyên li seranserî rê zerar dîtine û wiha domand: "Her 1 donim zevî bi 700 hezar lîreyên Sûrî hatine çandin û zeviyên wan bi telefbûnê re rû bi rû ye. Her wiha toz zerarê dide zarok û xebatkarên ku di nava zeviyan de dixebitin."

El-Kedro got gelek caran wan xwestekên xwe yên ji bo qîrkirina rêya giştî pêkêş kirine.

Serokê Komeleya Merc El-Zîbat Mihemed El-Faris têkildarî mijarê ev tişt got: "Ji beriya du salan ve cotkar vê azara vê pirsgirêkê dikşînin. Em bang li aliyên peywendîdar dikin ku vê pirsgirêkê di ber çavan re derbas bikin."

Her wiha Hevseroka Komîteya Rêveberiya herêmî û şaredariyan a Meclisa Sivîl a Reqayê Şêrîn Elî têkildarî mijarê ev tişt anî ziman: "Ev rê di ber çavan re hatiye derbaskirin. Çareseriya wê ku rê bi madeya "bîtomînê" were dagirtin."

(bx)

ANHA

<iframe width="560" height="315" src="https://www.youtube.com/embed/6CpqJio08B0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>