Komîteya Aborî ya Jinan projeya "Tenûr Îştar" berfireh kir

Komîteya Aborî ya Jinan a Hesekê projeya "Tenûr Îştar" çêkirina nan berfireh kir û çêkirina pastan zêde kir. Proje derfetên kar ji 4 jinên dîtir ên navçeya Şedadê re peyda kir. Di merasîma vekir û berfirehkirina projeyê de endamên saziyên sivîl ên Şedadê û gelek şêniyên herêmê amade bûn.

Di merasîmê de, endama rêveber a Komîteya Aborî ya Jinan a Şedadê Menar El-Ilêwî vekirina projeyê pîroz kir û bang li jinan kir ku tev li projeyên mîna van bibin û wiha axivî: "Ji ber ku ev proje jinan xurt dike û wan teşwîs dike ku derbasî sûka xebatê bibin û bi xwe debara xwe bi cih bînin."

Li aliyekî din jî endama Komîteya Aborî ya Jinan a Hesekê Selwa El-Ehmed wiha got: "Armanc ji vê projeyan, di radeya yekemîn de xurtkirina jinan û alîkariya wan di peydakirina aboriyê de û sînordarkirina bêkarî û teşwîqkirina wan ji bo derbasbûna nava xebatê ye."

Selwa El-Ehmed da zanîn ku qezenca van projeyan ji karkerên projeyê re, lê tenê beşeke biçûk dikeve sendoqa komeleyê ku ji bo vekirina projeyên dîtir li herêmê bibe alîkar.

Selwa El-Ehmed wiha gotina xwe berdewam kir: "Projeya Tenûr Îştar a çêkirina pastan ji projeya yekemîn li herêmê ye û ji hêla jinan ve tê birêvebirin, her wiha derfetên kar ji 4 jinên dîtir re peyda kir. Ji ber ku destpêka vekirina wê tenê pêjandina nan bû û tenê 2 jinan bi rê ve dibir."

Selwa El-Ehmed da zanîn ku Komîteya Aborî ya Jinan a Hesekê amade ye ku alîkariya jinên herêmê bike û wiha pê de çû: "Her jinek li gel wê fikireyên projeyan hebe dikare pêşkêşî me bike û em ê jî li gorî derfetên xwe alîkariyê bikin."

Komîteya Aborî ya Jinan di demeke berê de projeya "Mala Mûnê" vekir ku derfetên kar ji gelek jinan vekirin.

(fr)

ANHA