PYD’ê sûca qetilkirina endamê HDP’ê bi destê faşîsta Tirk şermezar kir

Meclisa Giştî ya Partiya Yekitiya Demokratîk (PYD) daxuyaniyek da û tê de êrişa tundarwekî girêdayî faşîsta Tirk li ser avahiya HDP’ê ya li Îzmîrê û qetilkirina endameke HPD’ê şermezar kir.

Di daxuyaniyê de wiha hate gotin:

"Di demeke ku dewleta Tirk a dagirker êrişên xwe yên siyasî û leşkerî li dijî gelê Kurdistanê pêk tîne, plan û komployên şerê birakujiyê datîne û dixwaze ji nû  ve Osmaniyê li ser hesabê gelê Kurdistanê û gelên Rojhilata Navîn vegerîne de, tundrawekî girêdayî dewleta Tirk vê sibehê êrişî avahiya HPD’ê ya li Îzmîrê kir, şewitand û êrişî endaman kir, di encamê de endama bi navê Denîz Boyraz jiyana xwe ji dest da, ev yek li pêş çavên û guhên aliyên ewlehî pêk hat û tu bersivek nedan. Tevî ku gelek caran HDP’ê hişyariya li ser gefên dijberî wan ji aliyên ewlehî re rakirine, ev jî nîşan dide ku dewleta Tirk û alavên wê yên ewlehî û tundrawên AKP’ê li pey van êrişan in. 

Mîna van êrişan kîna kûr a faşîsta Tirk li dijî sziyên demokrat, bi taybet HDP’ê ya ku ji bo demokrasiya civakên li Tirkiyê tê dikoşe û parastina gelan dike, her wiha piranî rêveber û parlamenterên HDP’ê di girtîgehên dewleta Tirk de ne, ji ber parastina mafên mirovan, azadî û demokrastiyê dikin.

Em Meclisa Giştî ya PYD’ê bi tundî van êrişan şermezar dikin û bang li civaka navneteweyî dikin ku fişarê li dewleta Tirk bikin ku van siyaset û sûcên çewsîner ên li dijî gelê Kurdistanê û gelên herêmê rawestîne, her wiha em serxasiya malbat û hevrêyên Denîz Doyarz dikin ku jiyana xwe di oxira aştî û demokrasiyê de daye."

(fr)

ANHA