Nivîskar Henaa Dawûd pirtûka xwe ya nû da nasîn

Merasîmê danasîna pirûka nû ya nivîskar û helbestvan Henaa Dawûd bi beşdarbûna bi  dehan rewşenbîr, nivîskar û siyasetmedar û mitranê Eberşiye El-Cezîrê Mar Morîs li Cafe Montaya ya taxa Til Hecer a bajarê Hesekê hate lidarxistin.

Nivîskar û helbestvan Hanaa Dawud ji ANHA'yê re axivî û diyar kir ku pirtûka wê ya nû balê dikişîne ser gelek mijaran, binkeftin û serkeftin û got, Ji ber mirov heta ku serkeftinê qezenc bike gelek caran bi bin dikeve, her wiha hin binketin jî dibin hîmên serkeftinan."

Henaa Dawûd diyar kir ku ev pirtûka wê ya çaremîn e û wiha domand: "Ev pirtûk çaran e ku bi awayekî fermî tê îmzekirin, ya yekemîn bi navê 'Stêrk jî rêwitiyê dikin' ku ji helbestan pêk tê, ya duyemîn jî bi nave 'ketina di soriyê de' û "Malva Umer Hemdî" û niha jî pirtûka 'Çil binketin û ez' ku ew jî ji helbetan pêk tê.''

Henaa Dawûd diyar kir ku divê wêje çeka berxwedanê be, nexasim ji bo jinan û ev li gotina xwe zêde kir: "Dema ez jin bin binketin yek e, lê dema ez jin û helbestvan bin binketin pir in."

Di dawiya merasîmê de Henaa Dawûd pirtûka xwe îmze kir û ji aliyê Mihrîcana Jinan ve Hevseroka Komîteya Çand û Hunerê ya kantona Hesekê Efaf Heskê tabloyeke hunerî diyarî wê kir.

(eh)

ANHA

<iframe width="560" height="315" src="https://www.youtube.com/embed/_WErklzHhhs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>