Şîrketa Firat dest bi îsfeltkirina kolanên Kobanê kir

Şîrketa Firat a îsfeltê ji 23`yê Gulanê ve dest bi amadekariyan kiriye da ku kolanên bajarê Kobanê îsfelt bike.

Komîteya Şaredariyan a kantonê 17 km di hundirê bajêr de diyar kiriye da ku îsfelt bike.

Rojane 500 ton îsfelt digihêje hundirê bajêr. Şîrketê ji Çerxerêya Saetê dest bi xebata xwe kir û 24 kolan îsfelt kirin. Niha jî kolana Sînaa îsfelt dike û paşê dê dest bi kolana Botan a rojava bike.

Endazyar Ferîd Ebdî têkildarî mijarê wiha got: "Em bi hemû derfetên xwe di hundirê bajêr de dixebitin. Paşê em ê berê xwe bidin rêyên din li kantonê. Me heta niha hezar û 500 metre îsfelt kiriye.”

Ferîd Ebdî wiha domand: "Ji bo sererastkirinê, şîrketê niha dest bi rêya Heleb û heta çerxerêya dagerandina Sirînê sererast dike. Xebatên me yên sererastkirinê dê heta meha Mijdarê dewam bikin."

Şîrketa Firat hin guhertin di mecbela xwe de çêkir û madeyên xwe bi pêş xistin. Di salên berê de sotemenî di mecbelê de dihat bikaranîn û ji ber wê jî şewat di hundirê wê de çêdibû û xebata şîrketê asteng dikir.

.

Her wiha Ehmed Îbrahîm anî ziman: "Li gorî salên berê îsfelta îsal gelekî baş e. Ji ber kesên ku çêkirina wê dişopînin ji zanîngehan hatine. Zehmetiyên ku me di çêkirina îsfeltê de dikişandin me derbas kirin. Em ê bi hemû derfetên xwe bixebitin da ku xebatên îsfeltkirin û sererastkirinê beriya demsala zivistanê bi dawî bikin."

(bx)

ANHA