Ava vexwarinê li ser dehan gundên Girê Spî hat qutkirin

Dewleta Tirk a dagirker li dijî gelên herêmê siyasetên xwe didomîne, li herêmên dagirkirî û bi taybet li Efrînê guhertina demografiyê pêk tîne, her wiha êrişên xwe li dijî herêmên Bakur û Rojhilatê Sûriyê didomîne.

Qutkirina ava çemê Firatê zêdetirî 3 mehan li ser Sûriyê qut kiriye. Ev yek bû sedema encamên xirab li herêmên Bakur û Rojhilatê Sûriyê, bi taybet di warê hin pompên avdanê û ava vexwarinê de naxebite.

Pompa Til Semin bi qismî sekinî ye, ev yek bû sedema kêmbûna çandiniyê li gundewarên Girê Spî (bajarokê El-Hîşe û gundên wê). Her wih pompa ava vexwarinê ya li bajaroka El-Hîşe ku avê digihîne bi dehan gundan, ji qutkirina ava Firatê bandor bû.

Pompa El-Hîşa ava xwe ji pompa Til Semin digire ku niha her 48 setan tenê 4 saet dikeve xizmetê. Di encamê de ava vexwarinê li bajarokê El-Hîşa û gundewarên wê kêm bû.

Li gorî daxuyaniyên berê yên aliyên peywendîdar, pompe 4 saetan dixebite ji bo depokirina ava vexwarinê di kanalê de. Lê ev dem ji bo hewcedariyên şêniyan bi taybet bi hatina havînê re têr nake.

Gundên ku pompa El-Hîşa ava vexwarinê jê re peyda dikir ev in: El-Hêşa, El-Xazlî Xerbî, El-Xazlî Şerqî, Xazlî Kiêşîş, El-Huriya, Hîşa El-Şibil û Şêx Hesen.

(dx)

ANHA