​​​​​​​Bi boneya Roja Şehîdan mûm li ser gorên şehîdan hatin vêxistin

TIRBESPIYÊ

Îro êvara Roja Şehîdan e, bi vê wesîleyê bi dehan şêniyên navçeya Tirbespiyê berê xwe dan goristana Şehîd Dilşêr a gundê Dugirê.

Şêniyan li goristanê deqeyeke rêz girt, piştre mûm li ser goran vêxist û soza şopandina rêya şehîdan dan.

DÊRIK

Li Dêrikê jî Meclisa Malbatên Şehîdan û şêniyên herêma Dêrikê berê xwe dan goristana Şehîd Xebat û bi boneya Roja Şehîdan mûm li ser goran vêxistin.

Li goristanê deqeyeke rêz hate girtin, piştre mûm li ser gorên şehîdan vêxist, gurzên gulan li ser goran hatin danîn û soza şopandina rêya şehîdan dan.

DIRBÊSIYÊ

Bi heman wesîleyê, bi sedan şêniyên navçeya Dirbêsiyê berî dan goristana Şehîd Rustem Cûdî ya li gundê Berkevirê.

Şêniyan mûm li ser gorên şehîdan vêxistin.

HESEKÊ

<iframe width="560" height="315" src="https://www.youtube.com/embed/g__vfRDYJNQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Bi dehan şêniyên bajarê Hesekê û gundewarê wê jî berê xwe dan goristana Şehîd Dijwar a li gundê Dawudiyê.

Li goristanê deqeyeke rêz hate girtin û mûm li ser gorên şehîdan hatin vêxistin.

TIL TEMIR

Bi heman wesîleyê bi dehan şêniyên navçeya Til Temirê çûn Goristana Şehîdan û mûm li ser gorên şehîdan vêxistin.

(eh)

ANHA