Îlham Ebdullah: Armanca me derxistina çeteyên Dîfaa El-Wetenî ji taxa Teyî ye

Têkildarî geşedanên dawîn ên li bajarê Qamişlo, nexasim rewşa li taxa Teyî, ji fermandarîn Hêzên Ewlekariya Hundirîn Îlham Abdullah ji ANHA'yê re axivî.

Îlham Abdullah got: "Êriş şeva sêşema derbasbûyî dest pê kir, piştî ku çeteyên Dîfaa El-Wetenî êrişî bendeke hêzên me li nêzî çerxerêya El-Wehdê kirin. Li ser vê yekê hêzên me bersiva êrişê da û şer derket, şer heta duh êvarî berdewam kir."

Îlham bal kişand ser agirbestê ku duh êvarî hate ragihanndin û got: "Piştî ku hêzên Rûsyayê û nivîsgeha têkiliyan destwerdan kir, ji bo deh saetan agirbest hate ragihandin, lê çeteyên Dîfaa El-Wetenî peyman bin pê kir û nuqteyeke me ya li taxa Hilko kir armanc."

Fermandar Îlham Abdullah diyar kir ku armanca wan wekî Hêzên Ewlekariya Hundirîn parastina sivîlan û herêmên xwe ji êrişan e û misogerkirina aramiyê ye û destnîşan kir ku çeteyên Dîfaa El-Wetenî vê aramiyê têk dibin.

Îlham Abdullah diyar kir ku çeteyên Dîfaa El-Wetenî provokasyon û êrişên xwe didomînin û got: "Em hewl didin wan bi temamî ji taxê derxin. Em wekî Hêzên Ewlekariya Hundirîn parastina herêmên xwe ji êrişên ku ewlehiya herêmên me dike armanc, berdewam bikin."

(eh)

ANHA