Ji sibê ve..ANHA du dosyayên li ser rêber Ocalan diweşîne

4`ê Nîsanê salvegera 73`emîn a rojbûna rêber Abdullah Ocalan e ku sala 1949`an li gundê Amara yê navçeya Xelfetî yê girêdayî Rihayê hatiye dinê.

Sibê dê “ANHA” dosyaya “4`ê Nîsanê: Rojbûyîna Gelekî-1.. "Gel 4’ê Nîsanê wek ronesansa xwe dibîne û wek rojbûna xwe pîroz dike" belav bike. Di wê dosyayê de em ê balê bikişînin ser mercên ku rêbertî dema zarokatiyê tê de jiyana kiriye û sedemên ku hiştine dest bi têkoşîna ji bo doza gelê xwe û gelên bindest ên cîhanê û bi taybet ên Rojhilata Navîn bike, ku di parêznameya xwe “Parastina Gelekî” de wekî qonaxa yekemîn a jiiyana xwe bi nav dike.

Roja yekşemê jî dosya “4`ê Nîsanê: Rojbûyîna Gelekî-2..Armanca Min Afirandina Rêxistineke Têkoşer û Gelekî Şoreşger e”, di wê dosyayê de em ê qala qonaxên duyemîn û sêyemîn ên jiyana rêbertî bikin.

Di wê dosyayê de her wiha em ê balê bikişînin ser îsyana yekemîn a rêbertî, hişyarbûna gelê Kurd, qonaxên bûyîna PKK`ê, fikrên rêbertî yên girêdayî doza rizgariya jinan û heta komploya navneteweyî ya li dijî rêbertî û mercên girtina wî li Îmraliyê ku veguherî navendeke fikirê demokratîk û azad.

ANHA