Bi boneya rojbûna rêber Ocalan çalakî berdewam in

Di çarçoveya rêzeçalakiyên ku bi boneya rojbûna rêber Ocalan li dar dikevin de, Kongreya Star pêşangeheke wêne û pirtûkên rêber Ocalan li Navenda Mihemed Şêxo ya Qamişlo li dar xist û li Amûdê jî sînevîzyonek li ser têkoşîna rêber Ocalan û avakirina Tevgera Rizgariya Kurdistanê hate organîzekirin.

Pêşangeh li Navenda Mihemed Şêxo ya Çand û Hunerê ya Qamişlo bi diruşma"Dem dema azadiya rêber Ocalan e" li dar ket, tê de endamên saziyên sivîl, leşkerî yên Rêveberiya Xweser a Bakur û Rojhilatê Sûriyê û bi dehan şêniyên herêmê amade bûn.

Li pêşangehê tabloyên wêneyên rêber Abdullah Ocalan dema ku bi gel re bû, hin wêneyên rêber Oxalan ên bi dayik û zarokan re dema ku Bakur û Rojhilatê Sûriyê bû, hatin pêşandan.

Her wiha hin pirtûk û parêznameyên rêbert Apo jî hatin pêşandan û bi armanca belavkirina fikir û felsefeya rêber Abdullah Ocalan, parêzname  li beşdaran hatin belavkirin.

Hevseroka Desteya Hundirîn a Rêveberiya Xweser a herêma Cizîrê Semer Hisên dema beşdarî pêşangehê bû axivî û got: "Rojbûna rêber Abdullah Ocalan ji bo me ji rojên girîng e, rêber Ocalan pêxember e û jinên Kurd û Ereb ji bindestiyê, paşguhkirinê û newekheviyê rizgar kir."

Semer Hisên ev yek li gotina xwe zêde kir: "Em beşdarî vê pêşangehê bûne da ku hin pirtûkên ku wek diyarî dane me bi dest bixin. Da ku pirtûk guhartinekê di zihniyeta me ya bi salan çêke û ji  bindestiyê ber bi serdema ronahiyê, pêşangtiyê û birêvebirina civakê ve biçin."

Li aliyekî din jî endama Meclisa Jinan a PYD`ê Neîma Hesen axivî û diyar kir ku rojbûna rêber Abdullah Ocalan ji bo mirovahiyê rojeke dîrokî ye û ev yek lê zêde kir: "Roja 4`ê Nîsanê ji bo hemû gelan, nexasim ji bo jinan xwedî nirxeke mezin e di heman  demê de rojbûna rêber Ocalan rojbûna azadiya jinan e."

Di heman çarçoveyê de û di çarçoveya rêzeçalakiyên ku bi boneya rojbûna rêber Abdullah Ocalan li dar dikevin de, Kongreya Star a Meclisa navçeya Amûdê sinivîzyonek der barê têkoşîna rêbertî de pêşand.

Endamên saziyên sivîl, endamên Kongreya Star û gelek şêniyên navçeyê beşdarî sinivîzyonê bûn.

Destpêkê deqeyeke rêz hate girtin, piştre têkildarî jiyana rêber Abdullah Ocalan ji zarokatiyê heta bi qonaxên xwendinê, têkoşîna wî û damezrandina Tevgera Rizgariya Kurdistanê sinivîsyonek hate pêşandan.

Piştî sivisîzyonê hin kesên ku bi rêber Ocalan re civiyabûn, axivîn û diyar kir ku destkeftiyên ku gelê azadîxwaz bi dest xistine bi saya fikir û felsefeya rêber Abdullah Ocalan in.

Axîveran da zanîn ku rêber Abdullah Ocalan wêrek e, nûnertiya fikirê azad dike û hewl dide civakê ji bindestiya ku dewletên kapîtalîst li ser daye meşandin, rizgar bikin . Di dawiyê de banga bilindkirina asta têkoşînê hate kirin, û li pey siyasetên derve yên ku dixwazin destkeftiyên wan têk bibin, nemeşin û li hemberî siyaset û komployên li dijî we xwedî helwest bin.

Roja 4`ê Nîsanê rojbûna rêber Abdullah Ocalan e ku di sala 1948`an de hatiye dinê ku kesayet û fikirê wî yê rizgarîwer li dijî zordanan şoreşeke rasteqînî çêkir.

EYN ÎSA

Bi boneya 4`ê Nîsanê  Kongreya Star a navçeya Eyn Îsa pêşangeha parêznameyên rêber Abdullah Ocalan û karên destan vekirin.

Hemû jinên karker ên komîteyên meclisên kantona Girê Spî û navçeya Eyn Îsayê beşdarî vekirina pêşangehê bûn.

Di pêşangehê de karên destan ên ji çanda herêmê û neqşên li ser caw ji bo bikaranîna li malê, ku têkoşîna jinan nîşan dide û parêznameyên rêber Abdullah Ocalan hatin pêşandan.

 Di çarçoveya rêzeçalakiyên ku Kongreya Star bi boneya nêzbûna rojbûna rêber Ocalan li dar dixe de, ev pêşangeh hate lidarxistin.

(eh)

ANHA