Ji operasyona roja duyemîn a li Holê wêne û dîmen

Operasyona Hêzên Ewlekariya Hundirîn a Bakur û Rojhilatê Sûriyê li kampa Holê bi navê "Operasyona Ewlehî û mirovî" di roja duyem de bi dawî bû. Operasyon di saetên sibehê de hat destpêkirin. Hêjaye bîrxistinê ye ku 5 hezar endamên Hêzên Ewlekariya Hundirîn, QSD, YPJ/YPG tev lî bûne. Destpêkê kesên li kampê dimînin paşê jî konên wan hatin lêgerinkirin. Li mizgeftê û bi erebeyan agahdarî ji bo  operasyonê hat kirin.  Derdorê konan bi cîhazên ku mayin, çek deşifre dike hat kontrolkirin. Îro çek û telefonên veşartî di nav hin konan de hatin dîtin.  Kesên temen mezin bi alîkariya Hêzên Ewlekariya Hundirîn hatin derxistin.  

Di dema operasyonê de jinek tiliya xwe hilda û got: ``Dewleta Osmanî hîn heye, hûn hemû şeytan in.`` Ev gotinên wê jî eşkerê dike ku xeteriyek çawa ji bo mirovahiyê li kampê heye.

Kesên ku di konan de dimînin hemû li qada girtina sicîlan hatin kom kirin. Li vir du konên cûda ji jinan û mêran re hatine vedan. Testên DNA, şopa tiliyan û agahiyên kesayetî tên girtin.

Li ber van konan tîmen tenduristî û hêzên ewlekariyê ewlehiyê digrin.

Operasyon bi hemû hêz û baldariya xwe wê sibeh saetên sibehê berdewam bike.

ANHA