Li Til Hemîsê merasîma bîranîna  şehîdan

Merasîmê bîranîna li navenda depoyên tovan a navçeya Til Hemîsê ya girêdayî Qamişlo bi beşdariya bi dehan malbatên şehîd û şêniyan, hate lidarxistin.

Merasîm bi deqeyeke rêzgirtinê dest pê kir, ji fermandarên QSD’ê Harûn Apoyî axivî û şehîdên ku canê xwe di oxira jiyaneke ewle û birûmet de daye, bi bîranîn.

Harûn Apoyî bang li gel kir ku pêwîstî bi xweparastin û parastina destkeftiyên şoreşa Bakur û Rojhilatê Sûriyê heye û wiha got: "Divê malbatên şehîdan bi taybet û şênî bi giştî bizanin ku dijmin hewl dide li herêmên me çi bike û ji siyasetên dijmin hişyar bin û armancên şehîdan pêk bînin."

Li aliyekî din jî bi navê YPG û YPJ’ê Agirî Mardînî wiha got: "Şehîdan bedena xwe kirin pira ber bi aramî û ewlehiyê ve."

Mardînî wiha gotina xwe berdewam kir: "Piştî tevlêbûna tevahî pêkhateyan li nava YPJ û YPG’ê, divêyabû hêzeke leşkerî ji tevahî pêkhateyan bihata çêkirin û bi QSD’ê hate binavkirin. Me tevahî bajar û navçe ji çeteyên DAIŞ’ê rizgar kirin û ew têk bir."

Piştî axaftinan, sînevîzyonek li ser jiyana şehîdên ku beşdarî hemleyên li dijî çeteyên DAIŞ’ê bûne, hate pêşandan. Merasîm bi diruşmên silavkirina şehîdan bi dawî bû.

(fr)

ANHA