Şêniyên Helebê sersaxî da malbatên şehîd Seydo û şehîd Cemal

Fermandariya Giştî ya Yekîneyên Parastina Gel (YPG) nasnameya şehîd Seydo Zehirdîn ê ku di Berxwedana Serdemê de sala 2018`an şehîd ketiye, eşkere kir.

Her wiha Fermandariya Giştî ya Hêzên Ewlekariya Hundirîn nasnameya şehîd Cemal ê ku di berxwedana taxa Şêxmeqsûd de sala 2016`an şehîd bûbû, eşkere kir.

Piştî eşkerekirina nasnameyên her du şehîdan, Meclisa Malbatên Şehîdan konê sersaxiyê li Qada Şehîdan a taxa Şêxmeqsûd veda.

Bi sedan şêniyên taxên Şêxmeqsûd û Eşrefiyê, nûnerên Hêzên Ewlekariya Hundirîn, partiyên siyasî û saziyên civaka sivîl tev li merasîmê bûn. Endamê rêveber ê Hêzên Ewlekariya Hundirîn Elî Abdullah, endama Kongreya Star Zêneb Elî, endamê rêveber ê Meclisa Malbatên Şehîdan Mihemed Ehmed û endamê Meclisa Taxa Eşrefiye Selah Ehmed di merasîmê de axivîn.

Axaftvanan sersaxî ji malbatên şehîdan re xwest û pêwîstiya parastina destkeftiyên Şoreşa 19`ê Tîrmehê destnîşan kir ku bi saya fedakariyên şehîdan hatin bidestxistin. Axaftvanan soz şopandina rêya şehîdan heta pêkanîna armancên wan da.

Paşê endama Meclisa Malbatên Şehîdan a Helebê Bêrîtan Ceidan wesîqeyên şehadetê yên her du şehîdan xwendin. Di dawiya merasîmê de beşdaran sersaxî ji malbatên şehîdan re xwest.

Nasnameyên şehîdan wiha ne:

Nav û paşnav: Mihemed Seydo

Navê şoreşgerî: Seydo Zehirdîn

Navê dayikê: Sebah

Navê bav: Ebdulrehman

Dîroka jidayîkbûnê: Cindirês, 1996

Cih û dîroka şehadetê: Berxwedana Serdemê, gundê Ereb Wêran, 24.02.2018

***

Nav û paşnav: Cema Zêno

Navê şoreşgerî: Cemal

Navê dayikê: Fatme

Navê bav: Bedrî

Dîroka jidayikbûnê: 01.01.1977

Cih û dîroka şehadetê: Berxwedana taxa Şêxmeqsûdê, 26.02.2016

(şx)

ANHA