Cenazeyê şehîd Nedîm Xelef bi merasîmekê hate veşartin

Bi dehan şêniyên Minbicê bi alên Meclisa Leşkerî ya Minbicê, Meclisa Malbatên Şehîdan û alên Tevgera Ciwanên Şoreşger cenazeyê şehîd Xelef ji pêşiya Nexweşxaneya Firatê wergirt û bi karwaneke girseyî ber bi goristana Şehîdan a rojavayê bajêr ve ketin rê.

Li goristanê, şervanên Meclis Leşkerî ya Minbicê toraneke leşker ligel deqeyeke rêzgirtinê li dar xist, piştre ji fermanên Meclisa Leşkerî ya Minbicê Abdurehman El-Benawî axivî û wiha got: " Minbicê kaniya leheng û şehîdan e, şehîdan canê xwe di oxira azadiyê de kir pireyek."

Girêdayî mijarê, endamê Meclisa Malbatên Şehîdan Mihemed Şêx wiha axivî: "Şehîdan canê xwe feda kir û bi rihê xwe azadî û bişirîn ji bo gel nexşe kir û keda wan badilhewa naçe û ew nahêlin dijmin xaka me dagir bikin."

Li aliyekî din jî Cîgirê Hevserokatiya Meclisa Qanûnsaz Cuma Heyder wiha got: "Em bejna xwe li hember şehîdên ku canê xwe di oxira azadiya welat de daye, ditewînin."

Piştî axaftin bi dawî bûn, endama Meclisa Malbatên Şehîdan Henadî Mihemed wesîqeya şehadetê xwend û radestî malbatî wî kir û piştre cenaze di nava tilîliyên dayikan de hate veşartin.

(fr)

ANHA