Bi deh hezaran şêniyên Efrînê soza berxwedanê heta rizgarkirin Efrînê nû kir

Bi diruşma"Bi rihê berxwedana Garê û Serdemê em ê Efrînê rizgar bikin" Meclisa kantona Efrînê meşeke girseyî bi boneya salvegera 3’yemîn a dagirkirina Efrînê ji hêla artêşa Tirk a dagirker û çeteyên wê ve, li dar xist.

Bi deh hezaran ji pêkhateyên herêma Efrînê ji Kurd, Ereb, Tirkmen, ji tevahî navçe û gundewarên Şehbayê û navçeya Şêrawayê li ser rêya di navbera bajarokê Babins û navçeya Fafînê de kom bûn, da ku beşdarî meşa li dijî dewleta Tirk a dagirker û çeteyên wê yên ku tevahî sûcan li dijî sivîlên Efrînê pêk tînin, bibin.

Meşvanan wêneyên şehîdên Berxwedana Serdemê, alên Meclisa Malbatên Şehîdan, alên Tevgera Ciwanên Şoreşger a Sûriyê û pankratên "Bi rihê berxwedanên Garê û Serdemê em ê Efrînê rizgar bikin", "Rûsya di dagirkirina Efrînê de hevkar e", "Bi rihê Garê û Serdemê em ê vegerin", "Em ê wê bi agirê Efrînê bişewitînin", "Kesên destên xwe bixe destên kujer û sûcdaran ew sûcdarekî li dijî Kurd e" û"Agirê Berxwedana Serdemê dê bilind bimîne" hildan.

Meş bi diruşmên silavkirina berxweddanên Serdem, Garê û Heftanînê û şermezarkirina bêdengiya navneteweyî li hember sûcên ku dewleta Tirk a dagirker û çeteyên wê li Efrînê, dest pê kir.

Meş li Dibistana Ajokariyê ya navçeya Fafînê vegerî mîtîngê û şêniyan deqeyeke rêz girt, piştre Endama Rêveber a Kongreya Star a Herêma Efrînê Hediye Yûsif tevî hildana çiqilê zeytûnê axivî û wiha got: "Îro û piştî derbasbûna 3 salan di ser dagirkirina Efrînê re ji hêla dewleta Tirk a dagirker û çeteyên wê ve bêdengiyeke navneteweyî heye. Ji lew re em bi gotinên tund û tûj vê bêdengiyê şermezar dikin, ji ber tenê ev bêdengî dikeve xizmeta dewletên kapîtalîst."

Hediye Yûsif wiha domand: "Piştî ku dewleta Tirk berxwedana me ya li hemberî xwe nas kir û di Garê û Heftanînê de têkçû, tola xwe hilda, ji lew re planên nû li dijî rêber Abdullah Ocalan meşandin û idîayên nebaşiya tenduristiya rewşa rêber Ocalan belav kirin, tecîrdê berdewam dike, armanckirina şênî û derbekirina projeya neteweya demokratîk didomîne."

Hediye Yûsif piştrast kir ku berxwedana şêniyên Efrînê tevî rewşên dijwar û dirêjkirina mayîna wan li kantona Şehbayê, berdewam e û wiha pê de çû: "Bi berxwedana wan dê Efrîn li şêniyên wê yên resen vegere û dê dagirkeran bi derxin."

Dûvre Serokê Partiya Sûriya Pêşerojê Îbrahîm Qeftan wiha got: "Çeteyên dewleta Tirk a dagirker ên ku îxanet li şoreşa xwe kiriye û bûne dûvikê dewleta Tirk a dagirker, êdî niha di destê dewleta Tirk de alavek ji bo qetilkirina şêniyan û derbekirina projeya neteweya demokratîk a bi armanca hewldana yekkirina gelê Sûriyê ye."

Îbrahîm Qeftan diyar kir ku şêniyên Bakur û Rojhilatê Sûriyê di berxwedana xwe ya li dijî dewleta Tirk a dagirker û çeteyên wê de heta rizgarkirina Efrîn, Serêkaniyê û Girê Spî de berdewam in.

Li aliyekî din jî hevserokê Meclisa kantona Şehbayê Cuma Kalo îşaret bi êrişn bênavber ên artêşa Tirk a dagirker û çeteyên wê yên li dijî kantona Şehbayê kir û wiha got: "Berxwedana me lawaz nabe û dê berxwedanê berdewam bikin û ala têkoşîn û rizgarkirinê bilind bikin."

Piştre endama rêveber a Rêveberiya Jinan a Reqayê Buseya Şêx daxuyaniyek xwend û got, şêniyên Reqayê piştgiriya berxwedana Efrînê dikin û di berxwedanê de heta rizgarkirina Efrînê ji çeteyên girêdayî dewleta Tirk de berdewam in.

Mîtîng bi diruşmên silavkirina berxwedanê bi dawî bû.

(fr)

ANHA