Xwendekarên zanîngeha Kobanê cejna Newrozê pîroz kirin

Xwendekarên zanîngeha Kobanê bi beşdarbûna şêniyên Kobanê, mamoste û kesayetên siyasî û bi dirûşma "Em bi ilm û zanînê agirê Newrozê vêxin" li pêşiya avahiya zanîngehê bi çalakiyan Newroza 2021'an, pîroz kirin.

Endamê rêveberiya zanîngehê Ehmed Hisên destpêkên axivî û cejna Newrozê ku sembola welatparêziyê ya gelê Kurd e li beşdaran û gelê Kurd pîroz kir û destnîşan kir ku newroz dîrokeke ji şaristaniyê ye ku ji nifşekî derbasî nifşekî din bûye, da ku şaristanî û mîrateya xwe îsbat bikin.

Her wiha Hevserokê Desteya Karûbarên Civakî ya Herêma Firatê Silêman Giêşîş li ser navê meclisa rêveber a Rêveberiya Xweser a herêma Firatê axivî û cejna Newrozê li beşdaran û bi taybet li zarokên ku ji ber dagirkeriya Tirk koçber bûne, pîroz kir.

Giêşîş di bal kişand ser rewşa tenduristî ya rêber Abdullah Ocalan û siayseta dewleta Tirk a faşîst û wiha got: "Dewleta Tirk berpirsiyarê rewşa tenduristî ya rêber Abdullah Ocalan e."

Piştî axaftin bi dawî bû, gelek stranên ku nîşaneya berxwedana şorerşgerên ku di zîndanên Tirkiyayê de ne, hatin gotin û helbest û şano hatin xwendin û pêşkêşkirin.

Her wiha Yekîtiya Ciwanên Şoreşger ên kantona Kobanê di bin dirûşma "Em ê bi serkeftina Garê agirê Newrozê geş bikin û dagirkeriyê parçe bikin" de li navçeya Şêran a rojhilatê Kobanê şahiyek li dar xisit.

Di şahiya li bajarokê Şêran de gelek şêniyên bajêr beşdar bûn, govendên folklorî li derdora agirê Newrozê, gerandin.

(dx)

ANHA

<iframe width="560" height="315" src="https://www.youtube.com/embed/tJcdPaUZLik" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>