Çalakiyên bîranîna Serhildana Qamişlo bi dawî bûn

Di dawiya çalakiya li Stada şehîdên 12`ê Adarê de, tîma futbolê ya herêma Cizîrê li hemberî tîma Dêrzorê bi 2-1 bi ser ket.

NÛÇE

12 adar, 2021 14:32

QAMIŞLO

Çalakiyên bîranîna salvegera 17`an a Serhildana 12`ê Adarê vê sibê li Stada Şehîdên 12`ê Adarê ya li Qamişloyê dest pê kir. Bi hezaran şêniyên herêma Cizîrê û deverên cuda yên Bakur û Rojhilatê Sûriyê yên Kurd, Ereb û Suryan, di serî de şêniyên Dêrazorê beşdarî çalakiyê bûn.

Her wiha nûnerên saziyên Rêveberiya Xweser a Bakur û Rojhilatê Sûriyê, Meclisa Sûriya Demokratîk, partiyên Kurd, Ereb û Suryan, Hêzên Sûriya Demokratîk, Yekîneyên Parastina Gel (YPG) Yekîneyên Parastina Jin (YPJ) beşdar bûn.

Piştî axaftinan Rêveberiya Xweser a Herêma Cizîrê, Saziya Malbatên Şehîdan, PYNK, maçeke futbolê di navbera herêma Cizîrê û Tîma Dêrazorê de hate lîstin û tîma Cizîrê li hemberî tîma Dêrazorê bi 2-1 bi ser ket.

Her wiha ciwanên tîmên ciwanan ên herêma Cizîrê hunera şer "Karatê" li dar xistin.

Yekîtiya Werzîşê ya Dêrazorê ji hêla Desteya Ciwan û Werzîşê ya herêma Cizîrê, hat xelatkirin. Di dawiyê de koma Botan ya Navenda Çand û Hunerê ya Mihemed Şêxo pêşandanên hunerî û stranên gelêrî pêşkêş kirin.

(dx)

ANHA