Li Helebê pêşangeha wêneyan a xwendekaran

Pêşangeh li Dibistana Qehreman a li beşa rojhilatê Şêxmeqsûdê hate lidarxistin û bi dehan xwendekar û malbatên wan beşdar bûn.

Di pêşangehê de, 30 tabloyên ku ji aliyê xwendekarên dibistanên navîn û amadehiyê ve hatibûn xêzkirin û 10 nameyên ji bo rêber Abdullah Ocalan hatibûn nivîsandin, hatin pêşandan.

Di pêşangehê de, xwendekara bi navê Elîsar Şêxo ji ber serkeftina wê di nivîsandina nameyan bi zimanê kurdî de, hate xelatkirin. Piştre, xwendekaran stran gotin.

Elîsar Şêxo ji ANHA'yê re diyar kir ku ew hêvîdarin ku rêber Abdullah Ocalan ku bi saya wî îro fêrî zimanê dayikê dibin, ji zindanên dewleta Tirk rizgar bibe.

Mamoste Fatime Bes jî destnîşan kir ku piraniya xwendekaran ku beşdarî pêşangehê bûne, ji Efrînê ne û got xwendekaran bi rêya tabloyên xwe girêdana xwe bi axa re nîşan daye.

(dm)

ANHA

<iframe width="560" height="315" src="https://www.youtube.com/embed/tABeSWViZ8Y" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>