Jinên Dêrazorê li dijî dagirekriya Tirk meşiyan

Meşa ku endamên sazî û meclisên gundewarê rojhilatê Dêrazorê tevlê bibûn, ji pêşiya Navenda Tevgera Ciwanên Şoreşger a Sûriyê ber bi nexweşxaneya Giştî ya Hecînê ve dest pê kir. Di meşê de pankartên şeremzarkirina dewleta Tirk hatin hildan.

Meş li ber Nexweşxaneya Giştî ya Hecîn rawestiya û deqeyeke rêz hate girtin. Ji rêveberên Meclisa Jinan a Dêrazorê Fatima El-Salim axivî û got: "Ji bo şermezarkirina dagirkeriya Tirk me ev meş li dar xistiye, em gel yek in û dagirekriya Tirk a li ser xaka xwe red dikin û banga rizgarkirina herêmên dagirkirî dikin."

Hevseroka Yekitiya Jinên Ciwan a Dêrazorê Hala El-Mihemed axivî, piştgiriya xwe ji QSD'ê re nîşan da û got: "Meşa me ji bo piştevaniya QSD'ê yên li eniyan e, em ji wan re dibêjin ku li hemberî dagirkeriya Tirk em bi we re ne."

Hala El-Mihemed, bang li hemû ciwanên li derveyî welat kir ku li welatê xwe vegerin û tev li QSD'ê bibin.

Ji endamên Yekitiya Jinên Ciwan a Hecîn Necwa El-Elî jî ev tişt got: "Em ciwanên Hecîn û Dêrazorê ev meş li dar xistine da ku piştgiriyê bibin QSD'ê li hemberî dagirkeriya Tirk. Bi yek dengî em dibêjin, bimre Erdogan, bijî rêber Ocalan."

Jina ciwan, Rena El-Salih diyar kir ku meşa wan li dijî dagirkeriya Tirk û piştevaniya QSD'ê ye.

Meş bi diruşmeyên şermezarkirina dagirkeriya Tirk bi dawî bû.

ANHA

<iframe width="560" height="315" src="https://www.youtube.com/embed/Km8IC_ZhJ7I" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>