Li Minbicê dewreyeke perwerdê ya Hêzên Ewlekariya Hundirîn bi dawî bû

Li Akademiya Şehîd Şaban Mihemed El-Yûsif a Hêzên Ewlekariya Hundirîn a bajarê Minbicê, dewreya perwerdeyê ya bi navê Şehîd Îbrahîm Welîd El-Mihemed bi merasîmekê bi dawî bû.

NÛÇE

22 sibat, 2021 16:55

MINBIC

Bi dehan şêniyên bajarê Minbicê, rêveberên Hêzên Ewlekariya Hundirîn û fermandarên Meclisa Leşkerî ya Minbicê beşdarî merasîmê bûn.

Dewreyeya perwerdeyê bi beşdarbûna 60 endaman mehekê dewam kir. Di dewreyê de endaman waneyên leşkerî û fikirî standin.

/ar/uploads/files/2021/02/22/143713_wdhhh-aljasm.webp

Merasîmê bidawîkirina dewreya perwerdeyê bi deqeyeke rêzgirtin dest pê kir. Piştre Hevseroka Komîteya Hundirîn a Minbic û Gundewarê wê Wedha El-Casim bidawîkirina dewreyê li endaman pîroz kir û hêvî kir ku li gorî berpirsyariya ku girtine ser milê xwe bin û waneyên ku di dewreyê de girtine, ji bo xizmeta civakê bixin pratîkê.

/ar/uploads/files/2021/02/22/143742_raed-alahmd.webp

Ji rêveberên Hêzên Ewlekariya Hundirîn Raid El-Ehmed axivî û got: "Em bidawîkirina vê dewreyê pîroz dikin, em hêvî dikin ku hûn amaneta giran a ku bi xwîna şehîdan hatiye nivîsandin hilgirin û wefedarê welat û gelê xwe bikin."

Di dawiyê de endamên dewreyê sonda leşkerî xwarin û bawername wergirtin.

ANHA