Ajansa me rewşa gundekî ku dewleta Tirk kiriye baregeheke leşkerî, şopand

Ji ber sûc û komkujiyên dewleta Tirk û çeteyên bi navê “Artêşa Nîştimanî ya Sûriyê” bi hezaran şêniyên gundewarên bajarê Serêkaniyê yê dagirkirî, koçber bûn.

Bi bicihbûna artêşa Tirk a dagirker û çeteyên wê li wan gundewaran, mal bi giştî hilweşandin û veguherandin baregeheke leşkerî û odeyên operasyonê di navbera wan û komên çete de, her wiha mal û milkên sivîlan jî talan kirin.

Di vê çarçoveyê de artêşa Tirk a dagirker û çeteyên wê bi dehan gundên bajarê Serêkaniyê yê dagirkirî, navçeya Til Temir û Zirganê veguherandin baregehên leşkerî.

Ajansa me xwe gihand xetên şer û rewşa gundekî ku artêşa Tirk ew veguherandiye baregeheke leşkerî, şopand.

Gundê hatiye şopandin, gundê El-Ezîziyê yê başûrê rojavayê navçeya Til Temir e û di aliyê rêveberî de girêdayî bajarê Serêkaniyê yê dagirkirî ye.

Malên gund ji aliyê artêşa Tirk a dagirker ve hatine hilweşandin, satirên axê çêkirine û hêzên dagirker ew gund kiriye baregeheke leşkerî.

Çavkaniyên herêmî diyar kir ku dagirkeran gundê El-Dawidiyê, Bab El-Ferec, Mirêkîz Ermen, Inq El-Hewa, girê gundê El-Amiriye û dibistanên di wan de veguherandine baregehên leşkerî.

(bx)

ANHA

<iframe width="560" height="315" src="https://www.youtube.com/embed/HgNO9JpDE_M" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>